Gwirfoddolwr Sialens Ddarllen yr Haf

Mae Her Ddarllen yr Haf yn fenter genedlaethol yn llawn hwyl i blant 4–11 oed, sy’n eu hannog i barhau i ddarllen yn ystod gwyliau’r ysgol. Bydd llyfrgelloedd a hybiau Caerdydd yn cynnal 30 o ddigwyddiadau cyffrous rhwng 20 Gorffennaf a 1 Medi, a byddem wrth ein bodd yn cael eich cefnogaeth.

Yr hyn y byddwch yn ei wneud

• Croesawu ac annog plant i gymryd rhan yn y sialens
• Helpu plant i gael y cymhelliant i barhau i ddarllen
• Cefnogi gweithgareddau yn llawn hwyl, fel crefftau, sesiynau stori a digwyddiadau thema
• Helpu i greu amgylchedd cyfeillgar, cynhwysol a diddorol

Yr hyn rydym yn chwilio amdano

• Angerdd tuag at ddarllen a brwdfrydedd dros weithio gyda phlant
• Agwedd gyfeillgar, hygyrch a dibynadwy
• Sgiliau cyfathrebu da
• Ymrwymiad i 4 digwyddiad o leiaf dros yr haf

Yr hyn byddwch chi’n ei ennill

• Profiad gwerthfawr yn gweithio gyda phlant mewn lleoliad llyfrgell
• Hyder yn cyfathrebu a gweithio fel tîm
• Y cyfle i wneud gwahaniaeth go iawn yn eich cymuned
• Credydau amser Tempo
• Treuliau Teithio
• Llawer o hwyl ar hyd y ffordd!

Mae’r Tîm Gwirfoddoli Cymunedol yn datblygu cyfleoedd gwirfoddoli hygyrch yn yr 21 o Hybiau ledled y ddinas.  Nod ein cyfleoedd gwirfoddoli yw gwella lles y cyfranogwr trwy amrywiaeth o weithgareddau cymdeithasol, creadigol a chorfforol a gwasanaethau sy’n cael effaith gadarnhaol ar gymuned Caerdydd.