Gwirfoddolwr Iechyd ac Ymarfer Corff Rhithwir

A hoffech chi greu fideos ymarfer corff hwyliog i’w mwynhau gan y bobl rydym yn eu cefnogi?

Mae iechyd a lles yn bwysicach nag erioed o’r blaen ac mae llawer o’r bobl rydym yn eu cefnogi’n awyddus i ddod o hyd i ffyrdd newydd o gadw’n heini ac yn iach!

Rydym yn chwilio am wirfoddolwyr brwdfrydig i greu fideos byr i’r bobl rydym yn eu cefnogi gyda gweithgareddau y gallant gymryd rhan ynddynt trwy ein Sianel YouTube

Gall y fideos gynnwys unrhyw beth – o ioga i aerobeg gadair – a fydd yn apelio at ystod eang o alluoedd.

Bydd y rôl hon yn eich galluogi i arddangos eich creadigrwydd a datblygu eich sgiliau cyfathrebu a TG, yn ogystal â chyfrannu tuag at ffyrdd iach o fyw.

Bydd y gweithgareddau’n cynnwys:

• Creu o leiaf un fideo i’w rannu â’r bobl rydym yn eu cefnogi
• Rhannu eich dealltwriaeth a’ch gwybodaeth am fathau gwahanol o ymarferion, er enghraifft dawns, aerobeg gadair, ioga ac ymarferion effaith isel
• Dilyn ein canllawiau a ddarperir i greu fideo o ansawdd da

Rydym yn chwilio am wirfoddolwyr sydd:

• Yn fedrus a chanddynt wybodaeth dda am iechyd ac ymarfer corff
• Yn gyfforddus/hyderus wrth recordio eu hunain
• Yn gallu recordio fideos ar gamera fideo/DSLR neu ffôn symudol o ansawdd da
• Yn gallu dod â ffurfiau newydd ar ymarfer corff i’r bobl rydym yn eu cefnogi
• Yn ddeinamig ac yn hynaws, gyda sgiliau cyfathrebu clir
• Yn hapus i gytuno i’w fideo(s) gael eu lanlwytho i sianel YouTube Dimensions (ffurflen ganiatâd ar-lein i’w llenwi)

Mae Dimensions yn cynnig cefnogaeth i ryw 3,500 o bobl ag anableddau dysgu ac awtistiaeth ledled y Deyrnas Unedig.  Rydym yn eu helpu i fyw yn fwy annibynnol ac i fod yn rhan o’u cymuned leol.

Sut mae Dimensions yn delio â Covid-19

Rydym yn cadarnhau ein bod wedi cydymffurfio ag arweiniad y llywodraeth o ran rheoli risg COVID-19.

Hoffem dawelu meddyliau ymgeiswyr a dechreuwyr bod Dimensions yn rhoi pob cam posibl ar waith i leihau risgiau i wirfoddolwyr a chydweithwyr yn ystod pandemig y coronafeirws.

Dilynwch y ddolen i gael manylion llawn y rôl:   http://bttr.im/5jrp0